Love and Romance

Kaash

Kaash ki hum kuch Badal jate, ya kaash ye duniya badal jati
Kaash ki hum aapko samajh pate, ya kaash aap hume samjh pate
Kaash ki sabki soch ek si hoti, ya kaash itna sochne ki jarurat na hoti
To shayad aap humse dur na hote, aur shayad hum itne majbur na hote
Shayad aap humse naaraj na hote, aur shayad hum itne bezar na hote

Kaash ki kushiyon ka ek samandar hota, ya kaash gamo ka bhi ek kinara hota
Kaash pyar ki ek kashti hoti, ya kaash koi begana na hota
Kaash ki bhagaya ka khel na hota, ya kaash kasmo ka tutna na hota
To shayad aap itne tanha na hote, aur shayad humara dil taar taar na hota
Shayad aap bhi humse itni berukhi na karte, aur hum bhi itne bejan na hote

Kaash ki hum aapki khawashiyon ko pura kar pate, ya kash aapki aankho me aansu na hote
Kaash ki aapka hasta hua chehra humari nigaho me hota, ya kash band aankho se bhi aapko dekh pate
Kaash ki kisi ki parwah na hoti ya kash koi humare jazbaato ko dil se samjhta
To shayad hum bhi aapse rubaru hote aur aapko bhi humse shikayat na hoti
Shayad ye duniya bhi khubsurat lagti aur shayad har mausam suhana sa hota
.
.
Kaash ki ye jahan kush hota ya kash ki pyar ka apna gulsitan hota..